5 қарашада өтетін сайлауға аудан әкіміне үміткер болып тіркелген Қаратөбе ауылының тұрғыны Қанат Мұханов Мұхит Мералиев атындағы аудандық тарихи-өлкетану музейінде мәдениет саласының қызметкерлерімен кездесті.
Кездесу барысында Қанат Мұратұлы мәдениет саласы қызметкерлеріне өзінің сайлауалды бағдарламасымен таныстырып, бағдараламадағы бірқатар өзекті жұмыстарды баяндап өтті.
– Менің сайлауалды бағдарламама қазір ауданда өзекті болып тұрған тұрғын үйлер мен жолдарды салу тағы да басқа аудан халқының әл-ауқатын арттыруға бағытталған бірнеше мәселелер енді.
Аудан әкімі болып сайлана қалған жағдайда осы жұмыстарды жүзеге асыратын боламын, - деді үміткер Қанат Мұханов.
Ерболат Райсов
Қаратөбе ауданы
