Бүгін Жаңақала ауданының Жаңажол ауылдық округінде дөңгелек жөндеуге арналған «ИП Саян» нысаны ашылды.
Салтанатты жиынға аудан әкімінің орынбасары Ерлан Еркінұлы, ауылдық округ әкімі Айбек Ишанов құттықтау сөздерін жолдап, кәсіп иесіне, жиналған жергілікті тұрғындарға ашылған кәсіптің нәсібін көруге жазсын деген игі тілектерін жеткізді.
Ауыл тұрғыны Гүлжихан Нәжімғалиева кәсіпкерлікті дамыту жөніндегі ұлттық жоба шеңберінде көпбалалы отбасы санаты бойынша өтінім беріп, 1 миллион 380 мың теңге көлемінде мемлекеттік грантқа қол жеткізген болатын.
Отағасы Жәнібек Бақтығалиұлы ауыл тұрғындарына қызмет көрсетуді мақсат етіп, осы кәсіпті бастап отыр.
Нысанның лентасын ауыл ақсақалы Сәрсенбай Набидуллин мен Ерлан Қажиев қиды.
Ақерке Мәлікқызы,
Жаңақала ауданы
zhaikpress.kz
