Семейде 23-26 қараша күндері даңқты қолбасшы, дарабоз батыр Қаракерей Қабанбай батыр құрметіне «Қабанбай батыр мемориалы» самбо күресінен Қазақстан Республикасы кубогі өтті.
БҚО полиция депаратменті баспасөз қызметінің хабарлауынша, Қазақстан Республикасы Мәдениет және спорт министрлігінің спорт және дене шынықтыру істері комитетінің ұйымдастыруымен өткен сайысқа еліміздің әр өңірінен 308 балуан тоғыз салмақ дәрежесінде қатысқан.
Ерлер мен әйелдер арасында спорттық және жауынгерлік самбо күресі сайысында Батыс Қазақстан облысы ПД ЖҚАЖ полиция қызметкері Құралай Қабырайқызы 54 келі салмақ дәрежесінде бақ, жүлделі І орынға ие болды.
Құралай самбодан ҚР спорт шебері.
2016 жылғы Азия чемпионатының қола жүлдегері.
2018, 2019 жылғы ішкі істер қызметкерлері арасындағы ҚР чемпионатының жеңімпазы.
2019 жылғы қоян-қолтық ұрыстан ҚР чемпионатының қола жүлдегері және 2019 жылғы қоян-қолтық ұрыстан бесінші халықаралық турнирдің күміс жүлдегері.
2023 жылы Астанада қыздар арасында жауынгерлік самбодан Азия чемпионатының қола медаль иегері, Қазақтан чемпионатының жеңімпазы, қоян-қолтық ұрыстан Қазақстан Республикасы ІІМ спартакиадасының алтын жүлде иегері.
zhaikpress.kz
