«Педагогикалық идеялар панорамасы - 2023» байқауы республикалық кезеңінің жеңімпаздары анықталды.
«Өрлеу» біліктілікті арттыру ұлттық орталығы ұйымдастырған «Педагогикалық идеялар панорамасы - 2023» республикалық байқауы мәреге жетті.
Республикалық сараптама кеңесінің қорытындысы шығып, Батыс Қазақстан облысынан оқу сауаттылығы, математикалық сауаттылық, медиа-ақпарат және мәдениетаралық сауат бағыттары бойынша алты педагог жеңімпаз атанды.
Оқу сауаты бағыты бойынша Орал қаласы, Эстетикалық бағыттағы гимназияның бастауыш сынып мұғалімі Гүлайым Сағиева, математикалық сауат бағытында Д. Қонаев атындағы №44 мектеп-гимназиясының ұстаздары информатика пәні мұғалімі Айбек Кинешов пен математика пәні мұғалімі Аружан Аскарова ІІІ орын алды.
Сондай-ақ медиа-ақпарат сауаты бойынша 41 мектеп-лицейінің қазақ тілі мен әдебиет пәні мұғалімі Гүлдария Куанышкалиева мен биология пәні мұғалімі Назерке Боранбайқызы, мәдениетаралық сауат бойынша Бөрлі ауданы Ақсай қаласы №2 мектебінің ағылшын тілі пәні мұғалімі Гаухар Нияр жеңімпаз атанып, жүлделі ІІІ орын иегерлері атанды.
Жеңімпаздарды салтанатты түрде марапаттау рәсімі 19 желтоқсанда Астана қаласында өтеді.
Толқын Габдушева,
«Өрлеу» БАҰО» АҚ «БҚО КДИ» филиалы,
PR, SMM бас маманы, Орал қаласы
