Батыс Қазақстан облысында жол апатынан 32 жастағы жүргізуші мерт болды, деп хабарлайды Kazinform.
БҚО Полиция департаменті баспасөз қызметінен түскен мәліметке қарағанда, оқиға 8 желтоқсан күні Сырым ауданы аумағында болды.
«Сағат 19.20-да Самара-Шымкент жолының 389-шақырымында 1991 жылғы жүргізуші «Seat» автокөлігімен қарсы бетке шығып кеткен. Содан қырғызстандық 34 жастағы жүргізуші айдап келе жатқан «Вольво» жүк көлігімен бетпе-бет соқтығысқан. Салдарынан жеңіл көліктің жүргізушісі жедел жәрдем келгенше көз жұмды. Қазіргі кезде ҚР ҚК 345-бабы 3-бөлігіне сәйкес сотқа дейінгі тергеу амалдары жүргізіліп жатыр», - деп хабарлады ведомстводан.
Осылайша, Батыс Қазақстан облысында екі күннің ішінде үш жол апатынан алты адам қаза тапты.
