Қаңтар айының 7-10 күндері Ақсайдағы шаңғы-биатлон базасында "GRAND TOUR BIATHLON" биатлоннан жасөспірімдер арасында ҚР кубогінің екінші кезеңі өтеді.
Фотода: Ақсайдағы шаңғы-биатлон базасы
Айта кетейік, бұл аталған өңірде шаңғы спорты түрінен өткізілгелі отырған алғашқы бәсеке.
Жарысқа еліміздің Абай, Ақмола, Алматы, Шығыс Қазақстан, Қарағанды, Павлодар, Солтүстік Қазақстан облыстары мен Алматы қаласынан 80-нен астам спортшы қатысады деп күтілуде.
Қазақстан Биатлоншылар Одағының қолдауымен, рейтинг нәтижесі бойынша 2008-2010 жылдары туған көшбасшы спортшылар биыл 10-15 сәуір күндері Норвегияда өтетін фестивальге және 2024 жылдың қарашасында Словенияда өтетін IBU спорт лагерьіне жіберіледі.
Сонымен қатар үздік деп танылған 3-5 командаға спорттық инвентарь алу үшін ақшалай сертификаттар табысталады.
Одан бөлек, әр кезеңдегі спринт және жеке жарыс үздігіне жеңімпаз күртешесі және арнайы кубок беріледі.
Жарыстың жаңа форматы ересектер арасындағы Әлем Кубогінің кезеңдеріне сәйкестендірілген.
zhaikpress.kz
