3-5 ақпан күндері Солтүстік Қазақстан облысы Петропавл қаласында өтіп жатқан шаңғы жарысынан 2006 жылы туған және одан кіші жасөспірімдер арасындағы Қазақстан Республикасының Кубогінде Бөрлі аудандық балалар-жасөспірімдер спорт мектебінің тәрбиеленушілері жүлдегер атанды.
Атап айтсақ, Жанерке Тудахунова (2009 ж.т.) 10 шақырым қашықтықта еркін жүріс бойынша Абай облысының спортшысына (2006 ж.т.) 17 секундқа есе жіберіп, екінші орынға табан тіреді.
Ал кеше, осы жарыста бөрлілік Алдияр Исаев 15 шақырым қашықтықта қола жүлдегер атанды. Қос спортшының жаттықтырушысы – Ислам Сағыналиев.
Бөрлі ауданында қарқынды дамып келе жатқан қысқы спорт түрінен спортшылар жақсы нәтиже көрсетіп жүр. Жақында ауданда өткен ел чемпионатында бөрілік спортшылар үздік нәтиже көрсетіп, жергілікті жанкүйерлерді қуантқан еді.
Айым Нұрғалиева,
Бөрлі ауданы
zhaikpress.kz
