Жаңашылдыққа құмар, ізденімпаз, креативті жастарды тәрбиелеу және олардың таланттарын ашу мақсатында Шыңғырлауда басталған «Әзіл базары» жобасы қызықты, әрі тартысты өтіп жатыр.
Сайысқа жалпы аудан 12 команда қатысып, сынға түсуде. Қазіргі І кезеңде командалар «Қысқы кубокты» алу үшін бақ сынайды. Осы кезеңде жақсы ойын көрсеткендер ІІ кезеңге жолдама алады. Бірінші іріктеу кезеңінде жалпы 3 ойын өткізіледі. Осы ойындардан іріктеліп, екінші кезеңге өткен командалар финалдық бәсекеде сынға түседі. Қазіргі іріктеу кезеңінде әр ойында «Сәлемдесу», «Үй тапсырмасы», «Тамаша қойылым» атты үш бөлім бойынша өнер көрсетіледі.
Бір қуантарлығы, басталған жобаға қатысушы командалардың аяқ алысы жаман емес. Олар әр ойынға жауапкершілікпен қарап, тамаша дайындықпен келіп жүр. Осындай үлкен жоба жастарға, оқушыларға көтеріңкі көңіл күй, тың ақпараттар, жаңа таныс сыйлайды.
Гүлжазира Асу
Шыңғырлау ауданы
zhaikpress.kz
