Жуырда Батыс Қазақстан облысы жастар ресурстық орталығы қызметкерлері арасында дәстүрлі түрде өткізілетін облыстық спартакиаданың Жаңақала ауданында IV кезеңі өткен болатын.
Бұл додада Шыңғырлау ауданы жастары жалпыкомандалық есепте жүлделі ІІ орынды иеленді. Спорттың бес түрінен жекелей және команда бойынша сынға түсетін сайыстарда аудан жастары тамаша нәтиже көрсетіп, жеңіс тұғырынан көріне білді.
Айта кетелік, Шыңғырлау ауданы жастар ресурстық орталығы қызметкерлері осыған дейін де жетістіктерге жетіп, аудан мерейін көтеріп келеді. Осы спартакиаданың Орал қаласында өткен алғашқы кезеңінде аудандық құрама ІІ орынға ие болса, Сырым ауданында өткізілген додада бас жүлдені ұтып алған болатын.
Гүлжазира Асу,
Шыңғырлау ауданы
zhaikpress.kz
