Сырым ауданының тумасы, бүгінде Бәйтерек ауданы, Байқоныс ауылдық округінде тұратын ҚР Журналистер Одағының мүшесі, ардагер журналист Махамбет Ерниязовтың шаңырағында болған аудан әкімінің орынбасары Артур Шерғалиев, аудандық ардагерлер кеңесінің төрағасы Мүсірбек Айташев мерейлі 85 жасқа толған ардагерді құттықтады.
- Сіз кәсіби журналист ретінде ауданның мәдени, әлеуметтік, экономикалық бағытында жемісті қалам тербедіңіз. Сондықтан да сіздің аудан тарихы, еңбек адамдары жөнінде жазған дүниелеріңіз жас ұрпаққа үлгі-өнеге, - деп құттықтау сөз сөйлеген Артур Мұратұлы ардагер журналист Махамбет Мамықұлына аудан әкімі Жұмагелді Батырниязовтың атынан жазылған құттықтау хатты табыс етті.
Сондай-ақ, Артур Мұратұлы облыстық ардагерлер кеңесінің төрағасы Мақсот Бергеннің атынан Құрмет грамотасы мен “Құрметті ардагер” төсбелгісін Махамбет Мамықұлына тапсырды.
Айжан Бауыржанқызы,
Сырым ауданы
