8 наурыз – Халықаралық әйелдер күні мерекесіне орай «Айбын» спорт клубының ұйымдастыруымен мекеме және кәсіпорындар арасында волейболдан Казталов ауданы чемпионаты өтті.
Жарысқа Казталов аудандық аурухана, А.Оразбаева, Казталов мектеп-лицей мектептері, ішкі істер бөлімі, білім беру бөлімі, “Айбын” спорт клуб командалары қатысты.
Казталов ауылдық округінің әкімі Ернар Ғалымов нәзік жандыларды мерекелерімен құттықтай отырып, сәттілік тіледі.
Тартысты өткен жарыс нәтижесінде жүлделі І орынды аудандық ішкі істер бөлімі, ІІ орынды аудандық аурухана, ІІІ орынды Казталов мектеп-лицейі иеленді. Ал Самал Тілегенова «Үздік ойыншы», Сана Сансызбаева «Үздік қорғаушы», Наргиза Досказиева «Үздік байланыстырушы», Анар Айдынғалиева «Ардагер спортшы» аталымдарына ие болды.
Жарыс жүлдегерлері мен үздік аталым иегерлері арнайы дипломдар және медальдармен марапатталды.
Гүлнұр Бөлешова,
Казталов ауданы
