Бүгін Казталов ауданына Испания Корольдігінің Қазақстан Республикасындағы Төтенше және Өкілетті елшісі Хорхе Урбиола Лопес де Монтенегро және «AQJAIYQ» әлеуметтік-кәсіпкерлік корпорациясы басқарма басшысының орынбасары Бауыржан Бектұрғанов жұмыс сапарымен келді.
Ауданымызға келген қонақтар сапары барысында Казталов ауданы әкімінің орынбасары Рашид Иманғалиевпен бірге «Бөкейорда» мемлекеттік табиғи резерватын директоры орынбасарының міндетін уақытша атқарушы Ержігіт Ералыұлымен кездесіп, резерват аумағын аралады.
Резерват территориясына барған Хорхе Урбиола біздің өңірді мекен ететін ақбөкендерді көріп, дала еркесі туралы мол мағлұмат алды. Испания елшісі өз сөзінде Қазақстан Республикасының ақбөкендердің популяциясын сақтаудағы маңызды ролін атап өтті.
Қайрат Жақып,
Казталов ауданы
zhaikpress.kz
