Данил Васильев алғаш рет FIS Кубогінің жеңімпазы атанды.
Бұл туралы туризм және спорт министрлігі хабарлады.
Фото: t.me/Turizm_jane_sport_ministrligi/
Польшаның Закопане қаласында шаңғымен тұғырдан секіруден FIS кубогі өтіп жатыр. Үлкен трамплиннен секіруде (Large Hill HS 140) отандасымыз Данил Васильев алтын медаль жеңіп алды. Бұл – FIS кубогінің ересектер арасындадағы отандық шаңғымен тұғырдан секіру тарихындағы алғашқы жеңіс. Сонымен қатар осы жарыста бақ сынаған Канвон-2024 қысқы Жасөспірімдер Олимпиадасының чемпионы Илья Мизерн 15-орынға ие болды.
13 елден 78 спортшы қатысып жатқан жарыс бүгін аяқталады.
