Бұл туралы көлік министрлігінің баспасөз қызметі хабарлады.
Қытай Халық Республикасына жұмыс сапары аясында еліміздің көлік министрі Марат Қарабаев контейнерлік пойыздарды жөнелту және өңдеу көлемі бойынша Қытайда бірінші орындағы Сиань қаласының халықаралық құрғақ портына барды.
Құрғақ порт аумағында қуаттылығы жылына 66.5 мың ЖФЭ (жиырма футтық эквивалент) қазақстандық терминал іске қосылды. Министр кәсіпорын ұжымымен кездесіп, Транскаспий халықаралық көлік бағыты бойынша қазақстандық терминалдан алғашқы құрама пойыздың жөнелту рәсіміне қатысты.
Сиань қаласына сапарын қорытындылай келе, министр қазақстандық және қытайлық бизнес өкілдерімен бірқатар кездесу өткізді.
Фото: gov.kz
