Жәнібек ауданы әкімі Тимур Шиниязов Наурыз мейрамы қарсаңында ұлттық спорт күнімен аудан жұртшылығын құттықтап, аудан намысын қорғап, биік белестерді бағындырып жүрген аудан спортшыларын қолдау мақсатында аудандық «Жәнібек» спорт клубына аудандық бюджет есебінен газель автокөлігін сыйға тартты.
Аталған спорт клубы директорының міндетін уақытша атқарушы Жандарбек Жайлыбай көліктің кілтін қабылдап, өзінің ризашылығын білдірді.
Жас спортшылар да ұлттық спорт күніндегі игі істің көзайымы болды.
Ақтілек Әлібекұлы,
Жәнібек ауданы
