«Простор» республикалық көркем-әдеби журналы биыл қазақстандық көрнекті жазушы Герольд Бельгердің 90 жылдығына орай, байқау жариялайды. Бұл туралы ҚР мәдениет және ақпарат министрлігінің баспасөз қызметі хабарлады.
Байқауға қатысу үшін шағын эссе жанрындағы шығармаларды [email protected] редакция поштасына жіберу қажет. Қазылар алқасы таңдаған туындылар журналдың кезекті басылымдарына шығады. Ал конкурстың қорытындысы «Простордың» 12-нөмірінде жарияланады.
Жеңімпаздар үшін сыйлықақы беріледі.
Бірінші орын үшін – 100 мың теңге, екі екінші орын үшін – 75 мың теңгеден, үш үшінші орынға - 50 мың теңгеден.
«Простор» газетінің төртінші және бесінші нөмірлерінде Герольд Бельгердің өмірінің соңғы кезінде жазған, әлі де баспаға шықпаған эсселері жарияланады. Байқауға қатысушылардың, белгілі жазушылардың, әдебиеттегі жас қаламгерлердің, орыс тілінде жазатын әр түрлі жастағы түрлі ұлт өкілінің шығармалары, қазақ тілінен аударылған туындылары жарияланады.
Бұл еңбектер кезекті әр нөмірде басылып шығады деп жоспарлануда, ал қорытынды 2024 жылдың желтоқсан айында белгілі болады.
