Қазіргі уақытта ҰҚК қызметкерлері ретінде өздерін ұсынатын телефон алаяқтарының қатысуымен болған оқиғалар жиілеп кеткен. Бұл туралы ұлттық қауіпсіздік комитетінің баспасөз қызметі хабарлады.
- Қаскүнемдер мақсаты негізінен ақшаны заңсыз иеленіп, қаржылық операцияларды жүргізіп, азаматтардан көмек сұрайды.
ҰҚК қызметкерлерінің қызметтік міндеттерін орындау шеңберінде азаматтарға кредит рәсімдеуді, ақша қаражатын аударуды және өзге де қаржы операцияларын жасауды ұсынуға өкілеттігі жоқ екенін хабарлаймыз. Күдікті телефон қоңыраулары мен хабарламалар, оның ішінде әлеуметтік желілер арқылы түскен кезде полиция органдарына жүгінуді ұсынамыз, - делінген хабарламада.
