"Қатар астанасы Дохада өтіп жатқан спорттық гимнастикадан Әлем Кубогының шешуші кезеңінде Нариман Құрбанов Париж Олимпиадасының лицензиясына қол жеткізді", - деп хабарлайды ҚР туризм және спорт министрлігі.
Фото: www.gov.kz
Ат снарядындағы финалда Нариман 4-сатыға тұрақтап, ал негізгі қарсыласы Ли Чи Кай (Қытайдың Тайпейі) күміс жүлде алды. Осылайша, жалпы Әлем Кубогының рейтингінде қазақстандық гимнаст 3-сатыда қалады.
Спорттық гимнастикадан Ұлттық құрама сапынан жазғы ойындар жолдамасын Милад Карими мен Нариман Құрбанов алып үлгерді.
Қазір барлығы Қазақстанда 14 спорт түрінен 42 лицензия бар.
