Орталықтандырылған су жүйесінен суды зерттеу жұмысы жүргізілді. Су тасқыны басталғаннан бері барлығы 1625 су сынамасы зерттеуге алынды, оның ішінде 817 сынама микробиологиялық зерттеулерге және 808 сынама санитарлық-химиялық зерттеулерге алынды.
Орталықтандырылмаған сумен жабдықтауды зерттеу үшін санитарлық-микробиологиялық 17 сынама және санитарлық-химиялық зерттеулерге 17 сынама алынды.
Судың сапасы мен қауіпсіздігін зертханалық талдау нәтижелері алынған барлық сынамада жұқпалы аурулардың өршу қаупінің жоқтығын көрсетті.
Су кеткен аудандардың елді мекендерінде, яғни Бәйтерек, Қаратөбе, Бөрлі, Теректі, Сырым аудандарындағы тұрғын үйлерді, сондай-ақ Қазталов ауданының су басқан 2 су құбырын дезинфекциялау шаралары аяқталып келеді, одан кейін су сараптамасы жүргізілді.
Барлығы 724 тұрғын үй, 577 кәріз, 3 су құбыры (Сырым ауданы Қосарал ауылының 1 су құбыры, Казталов ауданы Казталовка және Әжібай ауылының 2 су құбыры) дезинфекцияланды.
Су құбырларын дезинфекциялаудан кейін ауыз судың сапасы мен қауіпсіздігіне зертханалық бақылау жүргізіліп, оның нәтижелері нормативке сәйкес екендігі анықталды.
Оралдағы саяжайларда дезинфекция су кеткен соң басталады.
Айта кетейік, эпидемияға қарсы іс-шараларды жергілікті атқарушы органдар жүргізеді және облыс әкімінің тікелей бақылауында тұр.
БҚО әкімдігінің баспасөз қызметі
