Батыс Қазақстан облысы Казталов ауданы әкімдігінің Казталов мемлекеттік коммуналдық шаруашылық жүргізу құқығындағы кәсіпорыны мен осы мекеменің басшысы Сергей Тоқпановтың ұйымдастыруымен Көктерек ауылындағы су көтергіш стансасында пайдалануға жарамсыз болған алты су сорғыш қондырғысы Орал қаласынан жөндеуден өтіп, қайтадан іске қосылды. Қазір су көтергіш стансасы қалыпты жұмыс істеуде.
- Жергілікті жердегі тұрғындардың талабын жүзеге асыру мақсатында ауыл-елді таза сумен қамту үшін қажетті қондырғыларды арнайы жөндеуден өткізіп, қайтадан пайдалануға бердік. Жергілікті тұрғындар үшін маңызы бар бұл жұмысты Казталов мемлекеттік коммуналдық шаруашылық жүргізу құқығындағы кәсіпорынының барлық жұмысшылары жүзеге асырды. Мен Көктерек ауылындағы су көтергіш стансасының операторы ретінде осы іске араласып, уақытпен санаспай, ауызбірлік танытқан әріптестеріме шынайы алғысымды білдіремін, - дейді ауылдың жергілікті операторы Арман Жұбатқалиев.
Арнаулы қондырғылардың ақауын уақытылы жөндеп, ауылдастар сұранысын дер кезінде жүзеге асырған көп салалы мекеменің ынтымақты ұжымына біз де ауыл тұрғындары атынан алғыс білдіреміз.
Қыдыр Харесұлы,
Казталов ауданы
