Бүгін Жаңақала ауданы әкімдігінде аудан әкімі Алпамыс Көшкінбаев пен орынбасарлары, аппарат басшысы, мекемелер мен бөлім басшыларының қатысуымен жиын өтті.
Айтулы жиында ұзақ жылдар Жаңақала колледжіне басшылық еткен Серік Жәрдемалиевті арнайы қабылдап, зейнет жасымен құттықтады.
Серік Жүсіпкерейұлы 40 жылға жуық елі үшін абыройлы қызмет атқарып келді. Сондай-ақ аудандық төтенше жағдайлар бөлімінің басшысы Тұрарбек Апақаевтың қызмет бабымен өзге қалаға қоныс аударуына байланысты ақ жол тілеп, алғысхат пен естелік сыйлық табыстады. Аудандық ардагерлер кеңесінің төрағасы Қайырғали Жайымов пен әріптестері, бөлім басшылары да ізгі тілектерін жолдады.
Аруғаным Қазиева,
Жаңақала ауданы
zhaikpress.kz
