Бүгін Жаңақала ауданындағы Жаңақала жалпы орта білім беретін мектебінде «Үздіктер шеруі» және «Жыл үздіктері» тақтасының ашылу салтанаты өтті.
Толассыз жетістіктермен мектептің мақтанышына айналған оқушылар мен ұстаздық жолында аянбай тер төккен мұғалімдерді бейнеленген тақтаны ашу құрметі ардагер ұстаз Ғайниет Валиев пен «Үздік ауыл мұғалімі» аталымын иеленіп, былтырғы үздіктер тақтасында орын алған аталмыш білім ордасының ұстазы Айсұлу Ильдарқызына бұйырды.
Әрі қарай ардагер ұстаз құттықтау сөз сөйлеп, оқу жылының сәтті аяқталуымен оқушылар мен ұстаздарды құттықтады.
Мемлекеттік Гимн орындалып, дәстүрге айналған «Үздіктер шеруі» атауымен таныс озат оқушыларды марапаттау сәтіне де табан тіреді. Мектеп директоры Бегайым Төлеуғалиқызы сапалы білім мен саналы тәрбие алып, жүзден жүйрік шыққан үздіктерді марапаттап, құттықтауын жолдады.
Ақерке Ғилымхан,
Жаңақала ауданы
zhaikpress.kz
