Ауа райының қолайсыз уақытында бұл бағыттағы жолмен жүру қиынға соғады. Бұл - Казталов ауданындағы аудандық маңызы бар жолдарға кіретін "Беспішен-Қошанкөл-Қараоба" бағыты. 64 шақырымды құрайтын аудандық маңызы бар жолға жөндеу жұмыстары басталғалы төрт жылдың жүзі болды.
Аталған жолдың 2021-2022 жылдары 15 шақырымына орташа жөндеу жұмыстары жүргізілген болса, ағымдағы жылы 34 шақырымына күрделі жөндеу жұмыстары басталды. Құрылысқа жауапты «Uniserv» ЖШС ағымдағы жылдың мамыр айынан бастап нысанға жаңа техникалар тартып, бұрыңғы жолдың негізін қайта қалпына келтіру жұмыстарын жүргізуде. Тұрғындарға құрылыс жұмыстарына кедергі келтірмеу мақсатында арнайы айналма жол жасалған.
Жуырда жол құрылысымен танысқан аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Ерлан Аронов мердігер мекме өкілдеріне 15 шақырым асфальт жолды бұзбау үшін, қалпына келтіру жұмыстарын жүргізіп, айналма жолдарды пайдалануды тапсырды.
Нұр Рахман,
Казталов ауданы
