Медицина қызметкерлері күніне орай Бөкей ордасы ауданында аурухана қызметкерлерінің спартакиадасы өтті.
Шарада аудан әкімінің орынбасары Кенесары Нұршинов сөз алып, денсаулық сақшыларын кәсіби мерекемен құттықтады.
Аудандық аурухана басшысы Анарбек Белисанов пен медицина саласының ардагерлері Серік және Нәсіп Нүркеновтер де әріптестерін мерекемен құттықтап, сәттілік тіледі.
Ақ халаттылар дартс, қол күресі, үстел теннисі, арқан тартысы және көңілді эстафетадан тұратын сайыста бақ сынады.
Спартакиадаға аурухананың әкімшілік командасы, емхана командасы, КДН командасы, жалпы бөлім командасы, Мұратсай, Бөрлі, Бисен, Саралжын, Ұялы мен Орданың ФАП командалары қатысты.
Спорттық шара жеңімпаздары салтанатты концерт барысында аталатын болады.
Еркебұлан Бисенғалиев
Бөкей ордасы ауданы
