Бүгін Жаңақала ауданында бой көтерген «Мастерская цвета» дизайнерлік құрылыс дүкенінің ашылу салтанаты өтті.
Ауданда күні бүгінге дейін халық игілігі үшін кәсіптің бірнеше түрі қызмет атқарғанымен, ішкі және сыртқы жұмыстарға арналған құрылыс дүкені алғаш рет ашылып отыр.
Яғни, тұрғындар үйін немесе жиһаздарын жаңарту үшін алысқа бармай-ақ, дәл сол сапа мен бағада ауыл ішінен таба алатын болады.
Салтанатты шараға аудан әкімі мен орынбасарлары, мекеме басшылары, аудан тұрғындары қатысты.
Алғашқы сөз кезегі Алпамыс Көшкінбаевке беріліп, ел игіліне ашылғалы тұрған тағы бір нысанның иелеріне жылы лебізін білдірді.
Әрі қарай Серік Ибрашев пен ұлы Берік Каримов сөз алды. Тиісінше лента қию рәсімі жасалып, жиналған қонақтар дүкенді тамашалауға ішке енді.
Ақерке Ғилымхан
Жаңақала ауданы
