Жыл сайын Казталов ауданының даму көрсеткіші жоғары көтеріліп, аудан тұрғындарының тұрмыстық жағдайы мен әл-ауқатын көтеруге бағытталған нәтижелі жобалар мен жұмыстар іске асуда. Соның бір айғағындай Болашақ ауылдық округінің орталығындағы 1 шақырым көше жолына жөндеу жұмысы жүргізіліп, қара жамылғы төселіп жатыр.
Ауыл халқы үшін өте маңызды ішкі жолдардың орташа жөндеу жұмыстарына 87 млн. 901,1 мың қаржы бөлінген. Құрылыс жұмысын жүргізуге конкурс бойынша «ЖайықЖолҚұрылыс» ЖШС танылып, мердігер мекеме өзіне тиесілі жұмыстарды аяқтап жатыр.
Осындай жұмыстардың ұйымдастырылып, дер кезінде аяқталуы ауыл халқы үшін көп көмек болмақ.
Ендігі уақытта болашақтық ағайындар аяқтарын шалшыққа да, балшыққа да малмайтын болады.
Нұр Рахман
Казталов ауданы
