Шыңғырлауға барған сапарында облыс әкімі Нариман Төреғалиев аудан орталығында тұрғызылып жатқан қысымды реттейтін су мұнарасының құрылысын бағамдады.
Шыңғырлау ауылындағы су қысымын күшейтіп, халықты уақтылы әрі үздіксіз сумен қамтуға арналған мұнараның құрылыс-монтаж жұмысына 380 миллион теңгеден астам қаражат бөлінген.
Мердігер қазіргі таңда құрылыс жүргізілетін жерді тегістеп, қажетті материалдарын жеткізуді қолға алған.
Шыңғырлауда бүгінгі таңда сегіз мыңнан астам халық тұрады. Ескі мұнараларға тіршілік нәрі жиналғанымен су тұтыну мөлшері көбейген кезде тапшылық пайда болады.
– Бұл мәселе былтыр көтерілді. Оның үстіне Шыңғырлауға келіп тұрған ауыз су аудан орталығынан 30 шақырым жерден тартылған. Техникалық су келіп тұр. Сондықтан ауыз суды ысырапсыз пайдаланған дұрыс болады, - деді облыс әкімі.
Халықты сумен қамтуға арналған мұнара құрылысы маусым айында басталған. Биыл қарашадан қалмай аяқталады деген жоспар бар.
Түгелбай Бисен
zhaikpress.kz
