10 тамыз күні Халықаралық жастар күніне орай Орал қаласында “Jaiyq jastary” фестивалі басталған болатын.
Облысымыздың әр аймағынан жиналған жастар арасындағы достық қарым-қатынасты нығайту және тәжірибемен алмасу мақсатында ұйымдастырылған шараға жаңақалалық жастар да бір үйдің баласындай белсене қатысты.
3 күнге созылған фестивальде
✔️ “Ұлттық би”
✔️“Шағын футбол”
✔️“Үздік ғылыми жоба”,
✔️“Пікір-сайыс турнирі”,
✔️“Волейбол”
✔️”Эстрадалық ән сайысы”,
✔️ “Аударыспақ”
✔️“Сурет салу өнері”,
✔️“Қазақ күресі”
✔️ “Арқан тартыс”
✔️“Терме”
✔️“Үздік ақын”,
✔️“Үздік мобилограф” атты 13 аталым бойынша өнер мен спорттық жарыста сынға түскен жерлестеріміз жалпыкомандалық есепте 2-орынға ие боп, төбемізді көкке жеткізді.
Сондай-ақ бүгін марапаттау рәсімінде аудандық жастармен жұмыс жөніндегі ресурстық орталықтың басшысы Дәурен Мерешовке өңірімізге келген тасқын сумен күресіп, зардап шеккендерге қолұшын созғаны үшін вице-министр Е.Көшетовтың алғысхаты табысталды.
“Жас келсе, іске” демекші, өз еліне еңбегін сіңіріп, қарым-қабілетін көрсететін шаралар жалғасын таба берсін дейміз.
Айзада Ақбасова,
Жаңақала ауданы
