Хоккейден Қазақстан ерлер құрамасы Братиславада (Словакия) өткен Олимпиадаға іріктеу турнирін аяқтады, деп жазады Olympic.kz.
Сурет: Olympic.kz
Топтағы шешуші матчта Қазақстан құрамасы Словакияға қарсы ойнды. Екі команда да D тобында алты ұпайдан жинап, Венгрия мен Австриядан басым түскен болатын.
Олимпиада жолдамасы топта жеңіске жеткен командаға ғана беріледі. Бұл кездесуде 3:1 есебімен Словакия құрамасы жеңіске жетті.
Қазақстан сапынан жалғыз шайбаны Никита Михайлис соқты.
Осылайша, Олимпиада ойындарына Словакия жолдама алды.
Айта кетелік, аталған турнирде Қазақстан Венгрияны 5:2, Австрияны 2:1 есебімен ұтқан болатын.
