Бүгін Жаңақала ауданы, Мәстексай ауылдық округінде ауыл әкімі сайлауы өтуде. №132 сайлау уческесі 6:00 ашылып, тұрақты және тасымалданатын жәшіктердің тұтастығын, оларда сайлау бюллетеньдерінің жеткілікті қойылғаны тексерілді.
Алдымен, Қазақстан Республикасының Гимні ойналып, жауапты комиссия мүшелері жарияланды. Жергілікті тұрғындар 7:00 - ден бастап заң нормалары белгіленген тәртіпке сәйкес өз таңдауын жасауда. Сондай-ақ, сайлаудың ашық әділ өтуін қамтамасыз ету мақсатында әр кандидаттың сенімді өкілдері сайлау үдерісіне жіті бақылау жүргізуде.
Бүгінгі сайлауда алғаш болып өз таңдауын жасаған тұрғындар Ұзақбай Аюпов және Өтепберген Мұхамбетов пен жолдасы Бақытжамал Ешболоваға сыйлықтар табыс етілді.
Сайлау учаскесінің комиссия төрағасы Гүлбағым Хайдарқызының айтуынша, №132 сайлау учаскесінде 697 сайлаушы бар. Үйден дауыс берушілер саны - 29.
Фариза Махамбетова,
Жаңақала ауданы
