Түптеп келгенде туған топыраққа егілген тал-терек тамырын жайып, саялы бәйтерекке айналса, ғажап емес пе? «Атаңнан мал қалғанша, тал қалсын» деген халқымыздың жақсы даналық сөзі де бұған айқын дәлел болмақ.
Теректі ауданында «Таза Қазақстан» науқаны аясында 55 түп тал отырғызылып, барлық мекеме, бөлім қызметкерлері жұмылды. Теректі ауылдық округінің әкімі Армат Рыспаевтың айтуынша, ауданымыздағы санитарлық тазалық пен көркейту-көгалдандыру бағытындағы жұмыстар алдағы уақытта да өз жалғасын таппақ.
Осындай табиғатқа жанашыр жан қатары көп болса, аудан ажарланып, көше, саябақ келбеті жарқырай береді. Қанша дегенмен ауданымыздың аты затына сай болуы тиіс.
Ақтілек Әлібекұлы,
Теректі ауданы
