1 млн тоннадан астам жаңа астық, оның ішінде 867 мың тоннасы экспортқа өткен айда ҚТЖ желісі арқылы тасымалданған. Бұл туралы АШМ хабарлады.
Сурет: АШМ
Орталық Азия елдеріне 457 мың тонна, Қытайға – 187 мың тонна астық, тағы 140 мың тонна астық Ақтау порты арқылы Иранға экспортталды. Қазан айында 1,3 млн тонна астық жүктерін тасымалдау жоспарлануда.
Жалпы, ағымдағы жылдың 9 айында 6,6 млн тонна астық тасымалданды, оның ішінде экспортқа – 5 млн тонна.
Тасымалдауды және өзара іс-қимылды талқылау үшін компания өкілдері өңірлерде фермерлермен, астық нарығына қатысушылармен, элеваторлардың иелерімен кездесулер өткізді.
