Мемлекет басшысы Қасым-Жомарт Кемелұлы елімізде АЭС салу мәселесін халықпен бірге шешу қажеттігін атап өтіп, республикалық референдум өткізуді жариялаған болатын.
Бүгін Казталов ауданындағы 39 сайлау учаскесі есігін айқара ашып, сайлаушылар өз таңдауларын жасауда.
Аудан әкімі Асланбек Сарқұлов жұбайымен бірге аудан орталығындағы №219 референдум учаскесінде өз таңдауын жасады.
— Бүгін елімізде тарихи сәт. Халқымыз еліміздің болашағы үшін таңдау жасауда. Ауданымызда 16 512 сайлаушы бар. Аудан тұрғындарының таңсәріден сайлау учаскелерінен табылып, дауыс беруі қуантады. Бұл халқымыздың елдің келешегіне бей-жай қарамайтынының айқын көрінісі, - деді аудан әкімі.
Қайрат Жақып,
Казталов ауданы
