Бөкей ордасы ауданы басшысы Нұрлыбек Даумов іссапармен Мұратсай, Бисен және Ұялы ауылдық округіне қарасты Кеңой елді мекеніне арнайы барып, Қазақстан Республикасы күніне орай жоспарланған бірқатар нысандардың ашылу салтанатына қатысты.
Мысалыға, Мұратсай мен Бисенде жаңа шағын футбол алаңдары тұрғындардың пайдалануына берілсе, Кеңойда күрделі жөндеуден өткен медициналық пункт ашылды.
Өз кезегінде аудан басшысы әр ауыл тұрғындарын құттықтап, ауданымыздың көркеюіне бар үлесін қосатынын айтса, тұрғындар атынан ауыл белсенділері өз алғысын жеткізді.
Таратып айтсақ, Мұратсайдағы футбол алаңының құрылысына 13 888 000 теңге жұмсалған. Жауапты мердігер – "Grand Nova Development" ЖШС (директор Бейсебек Әли).
Ал, Кеңойдағы медициналық пункт ғимаратын күрделі жөндеуге 39 508 960.44 теңге қарастырылған еді. Жұмысты жүзеге асырған – "Өркен-Сервис" ЖШС.
Еркебұлан Рахметолла,
Суретке түсірген Эльдар Сатқанов
