Еліміз бойынша әлемдік додаларда өзінің сара жолын айқындай білген Жалпақтал спортының бүгінгі жетістіктері аз емес. Сөзіміздің дәлелі ретінде елішілік түрлі жарыстардан бастап, халықаралық, әлемдік жарыстардан суырылып шығып жүлделі орындардан көрініп жүрген спорт саңлақтартарын мақтанышпен айтуға болады. Жас болса да осындай мықты спортшылардың қатарынан табылған Эльнара Анарбек атты батыр қызымыз самбо күресінен кадеттер арасында әлем чемпионатының қола жүлдегері атанды.
Ол Кипр елінің Ларнака қаласында самбо күресінен кадеттер арасында өтіп жатқан әлем чемпионатында шебер өнер көрсетіп, 47 келі салмақ дәрежесінде жүлделі ІІІ орынға ие болып, ел қоржынына қола медаль салды.
Эльнара Анарбек жас бүлдіршін кезінен Жалпақталдың спорт мектебінде тұңғыш жаттықтырушысы Ғадылбек Сатыбалдиевтің қарамағында жаттығып, кейіннен әлемдік додада үлкен олжа салған.
Қыдыр Харесұлы,
Казталов ауданы
