Биыл 1 шілдеден бастап дәрі-дәрмектерді таңбалау процесі іске қосылды. Оның аясында денсаулық сақтау саласында 68 млн астам дәрі-дәрмек таңбаланды, оның 39 млн астамы импорттық, 29 млн астамы отандық өнім саналады.
«Таңбаланған дәрі-дәрмектің 28 млн-ы нарыққа кіріп, дәріханаларда, медициналық ұйымдарда беріліп жатыр. Осы бағыттағы жұмыс жалғасады. Бүгінгі таңда 3100 астам дәріхана және 1800 жуық медициналық ұйым цифрлық интеграциядан өтіп, таңбалау арқылы қызмет көрсетуде», - деді ҚР денсаулық сақтау вице-министрі Ербол Оспанов ОКҚ алаңында.
