Міне, көптен күткен турнир де өз мәресіне жетті. Алдымен, сахна төріне көтерілген әлем чемпионы Бауыржан Мәмбетов пен меценат, кәсіпкер Асқар Мальтиев 8-10 қараша күндері Астана қаласында самбодан өткен әлем чемпионатында 98 келіден жоғары салмақ дәрежесінде әлем чемпионы атанған Темірлан Көлбай мен 4-10 қараша аралығында Ташкент қаласында ересектер және ерлер арасында өткен IMMAF жекпе-жек спорт түрінен Әлем чемпионатында күміс жүлдеге ие болған Қадырбек Шинбаевқа сәйгүлік тарту етті.
Одан әрі облыстық мәслихат депутаты, меценат Нұртай Жұмашев пен самбодан және еркін күрестен ҚР Еңбек сіңірген жаттықтырушысы Мүслім Ондағанов 90 келіге дейінгі салмақ дәрежесінде жеңіске жеткен Жамбыл облысының палуаны Айдар Бескемпірге 1млн теңгенің сертификаты мен чемпион белдігін табыс етті.
Ал, 90 келіден жоғары салмақта бас жүлдеге ие болған Маңғыстаулық палуан Нұрдәулет Жарылғаповқа аудан әкімі Талғат Шакиров пен Тасқала ауданының Құрметті азаматы Табылғали Сапаров жеңіл автокөліктің кілті мен белбеуді салтанатты түрде тапсырды.
Турнирдің жалғасы мерекелік концертке ұласты.
Назгүл Серікқызы,
Тасқала ауданы
