Кеше аудан әкімдігінің үлкен мәжіліс залында ұлттық валюта күні мен қаржы саласы қызметкерлерінің мерекесіне орай ұйымдастырылған шарада аудан әкімі Алпамыс Жаңабайұлы жаңақалалық бір топ қаржыгерлер, экономистер мен банк қызметкерлерін сондай-ақ бүгінде зейнет жасындаға сала мамандарына игі тілегін арнап, марапаттау рәсімін өткізді.
Одан соң «Қазпошта» АҚ аудандық бөлімшесінің басшысы Нұрлан Болатұлын да атаулы мейраммен және зейнеткерлік жасымен құттықтап, облыс әкімі Нариман Төреғалиұлының атынан алғыс хат табыстап, шапан кигізді. Әрі қарай, аудандық экономика және қаржы бөлімінің бас маманы Мерей Мәлікұлына облыс әкімінің орынбасары Тілепберген Каюповтың алғысхатын ұсынды.
Шара барысында ардагер қаржыгер Ғұбайдолла Мәжитұлы да әріптестеріне ізгі лебізін жолдады.
Салтанатты жиын сазды бағдарламамен қорытындыланды.
Фариза Махамбетова,
Жаңақала ауданы
