Кеше елімізде екі бірдей мереке – Қазақстан Республикасының Ұлттық валюта – теңге мен қаржыгерлер күні тойлануда. Осы орайда аудан әкімінің міндетін атқарушы Жақсылық Абдолов қаржы саласының қызметкерлері мен ардагерлерін қабылдап, кәсіби мерекелерімен құттықтады.
- Құрметті қаржы саласының қызметкерлері! Қадірлі сала ардагерлері! Сіздерді Ұлттық валюта, теңге күнімен және қаржы саласы қызметкерлерінің кәсіби мерекесімен шын жүректен құттықтаймын!
Ауданда экономикалық өсуді қамтамасыз етуге және әлеуметтік проблемаларды шешуге бағытталған жұмыстар үздіксіз жүргізіліп, нәтижесінде экономикада тұрақты өсім қалыптасып, даму көрсеткіштері артты. Аудан бюджетінің салықтық түсімдері жылдан-жылға ұлғайып келеді. Осы уақытқа дейін салықтық түсімдер көлемінің ұлғаюы мен аудандық бюджет кірісі көлемінің өсуіне ауданның қаржы-экономика саласында ұзақ жылдар басшылық қызметте болып, халықтың құрметіне бөленген сала ардагерлерімен және бүгінде өз ісіне шынайы берілген, жоғары білікті мамандардың зор еңбегінің арқасы деп білуіміз керек. Бүгінгі Ұлттық валюта күні мерейлі мерекесінде ел экономикасының дамуына аянбай күш-жігерін жұмсаған Сіздерге алғысымды білдіремін, - деп, Жақсылық Каримоллаұлы бір топ қаржыгерге алғысхат табыстады.
Атап айтсақ, Жәнібек ауылдық округі әкімі аппаратының бас маман-есепшісі Сәуле Жақсағұловаға облыс әкімі Нариман Төреғалиевтің алғысхаты табысталды.
Аудандық қазынашылық басқармасының басшысы Салтанат Аманғалиеваға, зейнеткер Айгүл Мажитоваға, аудандық білім беру бөлімінің есепшісі Айгүл Харесоваға, Қамысты ауылдық округі әкімі аппаратының бас маман-есепшісі Лариса Оспановаға, Жәнібек ауданы әкімі аппаратының бас маман-есепшісі Арайлым Қайыржановаға, Жәнібек аудандық тұрғын үй, коммуналдық шаруашылық, жолаушылар көлігі және автомобиль жолдары бөлімінің есепшісі Анар Қаженоваға, «Жәнібек» спорт клубының есепшісі Қызғалдақ Ғиззатоваға, «Қазпошта» АҚ аудандық бөлімшесінің есепшілері Дина Саменова мен Ұлболсын Қабышеваға, демалыс орталығының есепшісі Лунара Сапановаға, аудандық аурухананың есепшісі Гүлзада Мақсотоваға, аудандық мәдениет, тілдерді дамыту, дене шынықтыру және спорт бөлімінің есепшісі Бибігүл Харесоваға, аудандық жұмыспен қамту және әлеуметтік бағдарламалар бөлімінің есепшісі Гүлзада Өтегеноваға аудан әкімінің міндетін атқарушы Ж.Абдоловтың алғысхаты берілді.
Гүлзара Мәди
Жәнібек ауданы
