"18 қарашада СОР29 алаңында «Климаттың өзгеруі жағдайында Каспий теңізі деңгейінің төмендеуі» тақырыбында жоғары деңгейде сайд-ивент өтті", - деп хабарлайды ҚР экология және табиғи ресурстар министрлігі.
Іс-шараға қоршаған орта және экология, сондай-ақ Каспий маңы мемлекеттерінің Сыртқы істер министрлері мен вице-министрлері, ЮНЕП, БҰҰ-Хабитат және Дүниежүзілік банк өкілдері қатысты.
Іс-шараның мақсаты аймақтағы экологиялық жағдайға, сондай-ақ жағалаудағы мемлекеттердің экономикасы мен әл-ауқатына айтарлықтай әсер ететін Каспий теңізінің деңгейін төмендетуді талқылау болды.
Қатысушылар трансшекаралық климаттық тәуекелдер проблемасын шешу және Каспий маңы елдерінің теңіз деңгейінің төмендеуіне бірлескен жауабын қамтамасыз ету үшін өңірлік өзара іс-қимылды нығайту қажеттігін, сондай-ақ климаттың өзгеруіне бейімделу және оның Каспий теңізінің экожүйесіне әсерін барынша азайту жөніндегі бірлескен шараларды әзірлеу және іске асыру үшін ұжымдық күш-жігердің маңыздылығын атап өтті.
Талқылау барысында вице-министр М. Ошурбаев Каспий теңізін сақтаудың және су деңгейінің одан әрі төмендеуіне жол бермеу бойынша тиімді шараларды әзірлеу үшін су деңгейінің төмендеуін зерделеудің маңыздылығын атап өтті.
Осы проблеманы зерделеу мақсатында қазақстандық тарап Каспий маңы елдерінің теңіз деңгейін жүйелі мониторингілеу және зерттеу саласындағы ынтымақтастығын нығайтуды, өзгерістерді болжау және бейімделудің тиімді шараларын әзірлеу үшін бірлескен ғылыми зерттеулер жүргізуді, сондай-ақ климаттың өзгеруінің Каспий теңізінің теңіз ортасына және жағалау аймақтарына теріс әсерін азайту жөніндегі кешенді стратегияны әзірлеуді ұсынды.
Сондай-ақ, іс-шараға қатысушылар Әзірбайжан тарапының Каспий теңізі деңгейінің төмендеу себептерін анықтау бойынша сараптамалық топ құру туралы бастамасын қолдады.
Сайд-ивент қорытындысы бойынша Каспий теңізі деңгейінің төмендеуіне қарсы күресте ынтымақтастықты нығайту туралы Декларация қабылданды.
