Бүгін Жәнібек аудандық мәдениет үйінде өткен салтанатты шарада спортты жанына серік еткендерге құрмет көрсетілді. Аудан спортының дамуына үлес қосып келе жатқан бірқатар спорт жанашырлары мен спорт ардагерлері, соның ішінде Абылай Әміров, Серік Самодиянов, Асқар Есекеев, Мерей Қарағойшин, Нұрдос Сағынғалиев марапатталды.
Фото авторы: Қ.Қамит
Ауданда бұқаралық спортты дамытуға, спорттық жарыстарды ұйымдастыру, жас спортшыларды дайындау бағытында үлес қосып жүрген спорт саласының қызметкерлері Бейбіт Аронов, Ерғазы Темірғалиев, Радик Досанов, Миржан Теміржанов, Сейфолла Сикенов, Ринат Ахмулдин, Бекарыс Бейбітұлы алғысхатқа ие болды.
Биыл облыс орталығында өткен мемлекеттік кызметшілер арасындағы дәстүрлі спартакиадада жарысқа қатысқан 19 команда арасында Жәнібек ауданының командасы спорттың 15 түрі бойынша жүлделі 2-орынға ие болды. Аталған додага белсенді қатысқан мемлекеттік қызметшілер Армат Мансұров, Арман Қазбеков, Ғибрат Айтқалиев, Нұрлан Аюпов, Нұрдәулет Қыдырғалиев, Әсел Мамытова, Далида Акишева, Асхат Молдағалиев, Оралбек Кенханов марапатталды.
Сонымен қатар биыл жетістікке жетіп, болашағынан үміт күттіретін жас спортшылар Ералы Жеңісұлы, Мерейхан Қамит, Батырхан Нұрболатов, Ерболсын Мақашев, Бек Нұрболат, Ерсұлтан Тілекқабыл, Жомарт Ғұмаров құрметке лайық деп танылды.
Гүлзара Мәди
Жәнібек ауданы
