Ақтау маңындағы ұшақ апатынан зардап шеккен жандарға қазақстандық дәрігерлер медициналық жәрдемді толық көрсетіп жатыр, деп хабарлады ҚазАқпарат.
Суреттер: Маңғыстау облысының әкімдігі
— Ресей Федерациясының 9 азаматы санитарлық авиация бортымен Мәскеуде одан әрі ем алуға эвакуацияланды. Сондай-ақ, бүгін кешке 14 пациент, яғни Әзербайжан азаматтары еліне аттанады. Қазіргі уақытта 6 пациент ем алып жатыр, оның үшеуі Әзербайжан азаматы және үшеуі Қырғызстан азаматы, — деді Денсаулық сақтау министрінің орынбасары Тимур Мұратов Ақтауда өткен баспасөз мәслихатында.
Бұған дейін вице-министр ұшақ апатынан зардап шеккендердің қазіргі жағдайы туралы айтқан еді.
Айта кетейік, ұшақ апатын зерттейтін комиссия шетел сарапшыларын күтіп отыр.
Сондай-ақ Ресей мен Әзербайжан ұшақ апатын зерттейтін криминалистикалық тергеуге жіберілмейді.
