Бүгін, 10 қаңтар, Ұлттық ұлан қызметкерлері өздерінің кәсіби мерекесін атап өтуде. Бұл күн – еліміздің ішкі қауіпсіздігін қамтамасыз етуде және қоғамдық тәртіпті сақтауда маңызды рөл атқаратын құрылымның құрылған күнін еске салатын ерекше мереке.
Ұлттық ұланның тарихы еліміздің тәуелсіздік алу кезеңімен тікелей байланысты. Алғашқы құрылымы бұрынғы ішкі әскер негізінде құрылған Ұлттық ұлан Қазақстан Республикасының қоғамдық тәртіпті қорғау, азаматтардың қауіпсіздігін қамтамасыз ету және маңызды мемлекеттік нысандарды күзету міндеттерін орындау үшін жасақталды.
Ұлттық ұланның негізгі міндеттері – заңдылық пен құқықтық тәртіпті нығайту, лаңкестікке қарсы күрес, қоғамдық қауіпсіздікті қамтамасыз ету және төтенше жағдайларда халыққа көмек көрсету. Қызмет барысында ұлан сарбаздары өздерінің жоғары кәсібилігімен, батылдығымен және адалдығымен ерекшеленеді.
10 қаңтар – бұл еліміздің қауіпсіздігі мен тұрақтылығы жолында аянбай қызмет етіп жүрген сарбаздар мен офицерлерді құрметтеу күні. Ұлттық ұланның айбынды жауынгерлеріне алғысымызды білдіріп, оларға қажырлы еңбектері үшін ризашылық айтамыз.
ҚР ҰҰ «Батыс» өңірлік қолбасшылығының баспасөз қызметі
