Былтырғы жылы Казталов ауданы тұрғындарының салауатты өмір салтын ұстанып, спортпен шұғылдануына жағдай жасалып, аудан орталығында 320 орындық дене шынықтыру, сауықтыру кешені ашылған болатын.
Сол кезде жаңа нысанның ашылу салтанатына келген Батыс Қазақстан облысының әкімі Нариман Төреғалиев спортшыларға көмек ретінде арнайы көлік сыйға берілетінін айтқан еді.
Жуырда өңір басшысының қолдауымен спортшыларға су жаңа «Газель» автокөлігі берілді. Ендігі кезекте ауданымыздағы бұқаралық спорты қарыштап дамып, спортшыларымыз әр түрлі жарыстарға жаңа көлікпен қиналмай баратын болды. Осындай жаңа көлікпен қамтыған өңір басшысына спортшылар дән риза.
Нұр Рахман,
Казталов ауданы
