2025 жылдың бірінші жартыжылдығына баспасөзге жазылу науқаны кезінде ауданның мекеме, ұйым қызметкерлері қолдау білдіріп, республикалық, облыстық газеттер мен Жәнібек ауданының «Шұғыла» қоғамдық-саяси газетіне бір кісідей жазылды.
Соның ішінде аудандағы үлкен әрі қызметкері көп мекемелер бір ауыздан қолдау білдірді. Соған орай бүгінгі аудан әкімдігінде өткен актив отырысын пайдалана отырып, аудандық газеттің директор-редакторы Гүлзара Төреғалиева газеттерге жаздыруды ұйымдастырған мекеме басшылары мен газеттерге жазылған қызметкерлерге алғысын айтты.
Аудан әкімі Тимур Шиниязов аудандық аурухананың директоры Сәуле Исмағұловаға, аудандық мәдениет, тілдерді дамыту, дене шынықтыру және спорт бөлімінің басшысы Нұрболат Садырбаевқа, аудандық орталықтандырылған кітапханалар жүйесінің директоры Светлана Джукинаға, Т.Жароков атындағы орта мектебінің директоры Мереке Құбаевқа, №1 мектеп-лицейдің директоры Сапар Мәмбеталиевке, «Алтын ұя» бөбекжайының директоры Абзал Саматовқа, «Балдәурен» бөбекжайының директоры Ажар Хабиге, аудандық балалар-жасөсіпірімдер туризмі және экология орталығының директоры Асқар Есекеевке, сонымен қатар Жақсыбай, Борсы, Тау, Қамысты ауылдық округтерінің әкімдеріне «Жайық Пресс» ЖШС Бас директоры Д.Оразовтың алғысхатын табыстады.
Бүгін оқырманды газетпен емес, газетті оқырманмен қамтамасыз ету қажеттілігі туған кезеңде сенімді әрі шынайы ақпарат алғысы келген, елінің ғана емес өзінің де тағдырына бей-жай қарай алмаған кез келген азаматтың газетке жазылудан қалыс қалмасы анық. Газеттерге жазылып, қолдау білдірген ауданның әр тұрғынына газет редакциясы шынайы ризалығын білдіріп, алғыс айтады.
Гүлзара Мәди,
Жәнібек ауданы
