2024 жылы балалардың құқықтарын қорғау саласындағы заңнаманы жетілдіруге бағытталған алты заң қабылданды. Бұл туралы ОКҚ алаңында өткен баспасөз конференциясында ҚР оқу-ағарту вице-министрі Еділ Оспан хабарлады.
Сурет: telegram.org
«Қабылданған заңнамалық акт бастамалары аясында балаларға қатысты зорлық-зомбылықтың кез келген нысаны үшін жауапкершілікті қатаңдататын нормалар, құрылыс компанияларын терезелерге құлыптар немесе қауіпсіздік тетіктерін орнатуға міндеттейтін нормалар енгізілді, баланы қоғамдық көліктен мәжбүрлеп түсіруге тыйым салынып, оған әкімшілік жауапкершілік көзделді; балаларды саудалаудың алдын алу шаралары күшейтілді. Бала құқықтары жөніндегі уәкіл институты нығайтылып, барлық өңірлерде балалардың құқықтарын қорғау жөніндегі өкілдер тағайындалды», - деді спикер.
