Наурыз ұлттық құндылығымыз ұлықталып, ұмыт болып бара жатқан салт-дәстүрлеріміз насихатталатын ай. Ауданымызда 14 наурыз бастап “Наурызнама” бағдарламасы аясында мерекелік шаралар өтуде.
Ізгілік мен ынтымақтың символына Наурыз мерекесіне ауданымыздағы мекеме кәсіпорындар, білім ошақтары өз үлестерін қосуда.
Осы орайда бүгін аудандық “Достық” саябағында Алма Оразбаева мектебі “Ақсарбас” дәстүрін жаңартты. Ақсарбас — тілеу тілеп, ақ ниетпен құдайыға сойылатын мал.
Ерекше қуанғанда, қатты шошығанда немесе әлденеден тосын қатерге тап болғанда жаратқанның жебеуі үшін арнайы атап шалынады. Бұндай ұмыт болып жатқан дәстүрлеріміз алдағы уақытта наурыздың салт-дәстүріміздің негізінде өрбіп отырмақ.
Мәриям Рахим,
Казталов ауданы
