Ұлы Жеңістің 80 жылдығына орай республика көлемінде бірнеше шаралар ұйымдастырылуда.
Осы ұлы мерекеге орай облысымызға Бексұлтан Сәрсекұлы бастаған «Генералдар кеңесі» республикалық қоғамдық бірлестігінің мүшелері арнайы келді.
Орал қаласында Жеңіс алаңында БҚО Полиция департаменті жеке құрамының қатысуымен «Генералдар кеңесі» мәңгілік алауға салтанатты гүл қою рәсімі өткізілді.
«Генералдар кеңесінің» төрағасы генерал-лейтенант Бексұлтан Сәрсекұлы Полиция департаменті бастығы полиция полковнигі Арман Оразалиев пен Орал қаласының әкімі Мұрат Байменовті Кеңес Одағының батыры, Халық қаһарманы армия генаралы Сағадат Нұрмағамбетов естелік төс белгісімен марапаттады.
Шара соңында Полиция департаментінің жеке құрамы салтанатты шерумен өтіп, генералдарға деген құрметін көрсетті.
БҚО қоғамдық даму басқармасы
