Ол бүгін басталған әскери-патриоттық слетінде анықталады. Қазақстандық патриотизмді тәрбиелеу, жастарға әскери-патриоттық тәрбие беру, салауатты өмір салтын насихаттау, әскери-қолданбалы спорт түрлерін дамытуды көздеген бұл слетте мектеп оқушылары алғашқы әскери даярлық пәнінен меңгерген білік-дағдылары бойынша бақ сынайды.
Басынан бастап айтсақ, бүгін аудан орталығында аудандық білім беру бөлімінің ұйымдастыруымен Отан қорғаушылар күнімен және Жеңістің 80 жылдығы мерекесіне орай жоғары сынып оқушылары арасында «Айбын» әскери-патриоттық слеті басталды.
Шараның ашылуына аудан әкімінің орынбасары Кенесары Нұршинов, аудандық білім беру бөлімінің басшысы Нұргүл Омарова, аудандық шекара, қорғаныс істері бөлімдерінің өкілдері, мектептердің алғашқы әскери дайындық пәнінің оқытушылары қатысты.
Ауданның сегіз мектебінің шәкірттері әртүрлі спорттық сайыстардың топтық және жекелей түрлерінен өзара мықтыны анықтауда.
Анар Артықбай
Бөкей ордасы ауданы
