Қазақстанның Ұлттық тестілеу орталығы Ұлттық бірыңғай тестілеу (ҰБТ) күндерінің өзгергенін жариялады. Бұл өзгеріс мектептердегі соңғы қоңырау күніне байланысты енгізіліп отыр, деп хабарлайды BAQ.KZ орталықтың баспасөз қызметіне сілтеме жасап.
Сурет: baq.kz
Құрметті талапкерлер! 23 және 24 мамырда ҰБТ тапсыруға тіркелгендер үшін тестілеу күндері өзгертілді, - делінген ресми мәлімдемеде.
Ұлттық тестілеу орталығы жаңа тестілеу күні туралы ақпарат талапкерлердің app.testcenter.kz сайтындағы жеке кабинетінде автоматты түрде жаңартылатынын, сондай-ақ SMS хабарлама арқылы қосымша ескертілетінін мәлімдеді.
Соңғы қоңырауға және алдағы ҰБТ-ға дайындықта сәттілік тілейміз!, - делінген хабарлама соңында.
